நாக்கின் சுவை உணர்வை மாற்ற முடியுமா? உப்பு, சர்க்கரையைக் குறைத்தால் கிடைக்கும் நன்மைகள்!
நாம் சாப்பிடும் உணவுகளின் சுவையை உணர உதவும் நாக்கில் உள்ள சுவை மொட்டுகள் குறிப்பிட்ட கால இடைவெளியில் புதுப்பிக்கும் தன்மை கொண்டவை. பொதுவாக 10 முதல் 14 நாட்களுக்கு ஒருமுறை சுவை மொட்டுகளில் உள்ள சில செல்கள் புதுப்பிக்கப்படுகின்றன. இதனால் நாம் தொடர்ந்து உட்கொள்ளும் உணவுகளுக்கு ஏற்ப சுவை உணரும் பழக்கத்திலும் படிப்படியான மாற்றங்கள் ஏற்படலாம்.
தினமும் அதிக உப்பு, சர்க்கரை மற்றும் பதப்படுத்தப்பட்ட உணவுகளைச் சாப்பிடுபவர்களுக்கு அந்தச் சுவைகள் பழக்கமாகிவிடும். இதனால் குறைந்த உப்புள்ள உணவுகள் சுவையற்றதாகத் தோன்றலாம். அதேபோல், அதிக இனிப்புக்கு பழகியவர்களுக்கு இயற்கையான உணவுகளின் இனிப்பு குறைவாகத் தெரிய வாய்ப்புள்ளது.
ஆனால் உணவில் உப்பு மற்றும் சர்க்கரையின் அளவை ஒரே நாளில் குறைக்காமல், படிப்படியாகக் குறைத்துக் கொண்டே வரலாம். இதனுடன் பழங்கள், காய்கறிகள், முழுத் தானியங்கள் மற்றும் இயற்கையான உணவுகளை அதிகம் சேர்த்துக்கொள்வது நல்லது.
தொடர்ந்து இந்தப் பழக்கத்தைப் பின்பற்றும்போது அதிக உப்பு மற்றும் சர்க்கரை தேவைப்படும் உணர்வு படிப்படியாகக் குறையலாம். இதன் மூலம் இயற்கையான உணவுகளின் சுவையை நன்றாக உணர முடிவதுடன், ஆரோக்கியமான உணவுப் பழக்கத்தையும் உருவாக்கிக்கொள்ளலாம்.
கருத்துகள் (0)