தமிழக மகளிருக்கு இரட்டிப்பு மகிழ்ச்சி: ரூ.2,500 ஆக உயர்கிறதா உரிமைத் தொகை? நவம்பர் 14-ஆம் தேதியே ரூ.1,000 வரவு வைக்கப்பட வாய்ப்பு!

தமிழக அரசின்  மகளிர் உரிமைத் தொகைத் திட்டத்தின் கீழ் பயன்பெற்று வரும் கோடிக்கணக்கான பெண்களுக்கு இரட்டிப்பு மகிழ்ச்சியை அளிக்கும் தகவல்கள் வெளியாகியுள்ளன. மாதந்தோறும் வழங்கப்படும் ரூ.1,000 உரிமைத் தொகையை ரூ.2,500 ஆக உயர்த்துவதற்கான முதற்கட்டப் பணிகளைத் தமிழக அரசு தீவிரமாக மேற்கொண்டு வருவதாகக் கூறப்படுகிறது. இந்தத் தகவல் பெண்கள் மத்தியில் பெரும் எதிர்பார்ப்பை ஏற்படுத்தியுள்ளது.

இதற்கிடையே, நவம்பர் மாதத்திற்கான மகளிர் உரிமைத் தொகையும் வழக்கமான தேதிக்கு முன்பாகவே பயனாளிகளின் வங்கிக் கணக்கில் வரவு வைக்கப்பட வாய்ப்புள்ளதாகத் தகவல்கள் தெரிவிக்கின்றன.

பொதுவாக ஒவ்வொரு மாதமும் 15-ஆம் தேதி மகளிர் உரிமைத் தொகை பயனாளிகளின் வங்கிக் கணக்கில் செலுத்தப்படுவது வழக்கம். ஆனால், இந்த நவம்பர் மாதம் 15-ஆம் தேதி ஞாயிற்றுக்கிழமை வருவதால், அதற்கு முந்தைய நாளான நவம்பர் 14-ஆம் தேதியே தகுதியுள்ள பெண்களின் வங்கிக் கணக்கில் ரூ.1,000 வரவு வைக்கப்படலாம் எனக் கூறப்படுகிறது.

ஏற்கனவே தீபாவளிப் பண்டிகையை முன்னிட்டு உரிமைத் தொகை முன்கூட்டியே வழங்கப்படும் என எதிர்பார்க்கப்பட்ட நிலையில், தற்போது தொகையை ரூ.2,500 ஆக உயர்த்துவதற்கான நடவடிக்கைகள் குறித்த தகவலும், நவம்பர் மாதத் தொகை முன்கூட்டியே கிடைக்கலாம் என்ற செய்தியும் பெண்களிடையே கூடுதல் மகிழ்ச்சியையும் எதிர்பார்ப்பையும் ஏற்படுத்தியுள்ளன.

இருப்பினும், ரூ.2,500 உயர்வு மற்றும் நவம்பர் 14-ஆம் தேதி பணம் வரவு வைக்கப்படுவது தொடர்பான தகவல்களுக்கு அதிகாரப்பூர்வ அறிவிப்பு வெளியாகும் வரை பயனாளிகள் காத்திருக்க வேண்டும்.