திருவனந்தபுரம் RGCB மையத்தில் வேலைவாய்ப்பு.. 8 காலிப்பணியிடங்கள் அறிவிப்பு; டிசம்பர் 14 கடைசி நாள்!

கேரள மாநிலம் திருவனந்தபுரத்தில் செயல்பட்டு வரும் ராஜீவ்காந்தி உயிரி தொழில்நுட்பவியல் மையத்தில் (RGCB) புதிதாக வேலைவாய்ப்பு அறிவிப்பு வெளியிடப்பட்டுள்ளது. இந்த அறிவிப்பின்படி, Technical Officer பணிக்கு 2 இடங்களும், Technical Assistant பணிக்கு 6 இடங்களும் என மொத்தம் 8 காலிப்பணியிடங்கள் நிரப்பப்பட உள்ளன. இதற்குத் தகுதியும் ஆர்வமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.

கல்வித்தகுதியாக பிளஸ் 2, இளங்கலை, முதுகலை அல்லது பி.இ. பட்டம் பெற்றவர்கள் விண்ணப்பிக்கலாம். மேலும், பணியிடங்களுக்கு ஏற்ப தேவையான பணி அனுபவமும் இருக்க வேண்டும். விண்ணப்பதாரர்களின் வயது 35-க்குள் இருக்க வேண்டும் என அறிவிக்கப்பட்டுள்ளது. தகுதியான நபர்கள் RGCB நிறுவனத்தின் அதிகாரப்பூர்வ இணையதளமான rgcb.res.in வாயிலாக ஆன்லைனில் விண்ணப்பிக்கலாம்.

விண்ணப்பதாரர்கள் எழுத்துத் தேர்வு மற்றும் திறன் தேர்வு ஆகியவற்றின் அடிப்படையில் தேர்வு செய்யப்பட உள்ளனர். இந்த வேலைவாய்ப்புக்கு விண்ணப்பிக்க டிசம்பர் 14 கடைசி நாளாக அறிவிக்கப்பட்டுள்ளது. எனவே, ஆர்வமுள்ளவர்கள் கடைசி தேதிக்குள் விண்ணப்பித்து, அதிகாரப்பூர்வ அறிவிப்பில் குறிப்பிடப்பட்டுள்ள கல்வித்தகுதி, அனுபவம் மற்றும் இதர நிபந்தனைகளைச் சரிபார்த்துக் கொள்ளலாம்.