ஒரு யூனிட் மின்சாரம் ரூ.35-க்கு கொள்முதல்: தமிழக அரசுக்கு டிடிவி தினகரன் கண்டனம்!

தமிழகத்தில் மின் தட்டுப்பாட்டைச் சமாளிக்க வெளிச்சந்தையில் ஒரு யூனிட் மின்சாரத்தை ரூ.35 கொடுத்து வாங்குவதாகக் கூறப்படும் விவகாரத்திற்கு அமமுக பொதுச்செயலாளர் டிடிவி தினகரன் கண்டனம் தெரிவித்துள்ளார். கடந்த ஆட்சியில் மின்சாரக் கொள்முதலைக் குறைப்பதாகக் கூறியவர்கள், தற்போது அதிக விலை கொடுத்து மின்சாரம் வாங்குவது பல்வேறு சந்தேகங்களை எழுப்புவதாக அவர் விமர்சித்துள்ளார்.

மேலும், மக்கள் வரிப்பணத்தை அதிக விலை மின்கொள்முதலுக்காகச் செலவிடுவதைத் தவிர்த்து, தமிழகத்தில் தடையற்ற மின்சாரம் கிடைப்பதை உறுதி செய்ய அரசு நடவடிக்கை எடுக்க வேண்டும் என தினகரன் வலியுறுத்தியுள்ளார். மின்சாரக் கொள்முதல் விலை தொடர்பான இந்த விவகாரம் அரசியல் வட்டாரத்தில் தொடர்ந்து விவாதத்தை ஏற்படுத்தி வருகிறது.