ரயில்வேயில் 3,548 பட்டதாரிகளுக்கு வேலைவாய்ப்பு! நவம்பர் 6 கடைசி நாள்!

இந்திய ரயில்வேயில் பட்டதாரிகளுக்கான NTPC பிரிவில் காலியாக உள்ள 3,548 பணியிடங்களை நிரப்ப ரயில்வே தேர்வு வாரியம் புதிய வேலைவாய்ப்பு அறிவிப்பை வெளியிட்டுள்ளது. இதில் சரக்கு ரயில் மேலாளர், மூத்த எழுத்தர், இளநிலை கணக்கு உதவியாளர் உள்ளிட்ட பல்வேறு பணியிடங்கள் இடம்பெற்றுள்ளன. ரயில்வே துறையில் பணிபுரிய விரும்பும் தகுதியுள்ள பட்டதாரிகளுக்கு இது ஒரு முக்கியமான வாய்ப்பாகும்.

விண்ணப்பிக்க விரும்புவோர் ரயில்வே தேர்வு வாரியத்தின் அதிகாரப்பூர்வ இணையதளமான [https://www.rrbapply.gov.in](https://www.rrbapply.gov.in) என்ற முகவரியில் ஆன்லைன் மூலம் விண்ணப்பிக்கலாம். விண்ணப்பப் பதிவு அக்டோபர் 8-ம் தேதி தொடங்கி, நவம்பர் 6-ம் தேதி நிறைவடையும் என அறிவிக்கப்பட்டுள்ளது. விண்ணப்பிப்பதற்கு முன்பு கல்வித் தகுதி, வயது வரம்பு, தேர்வு முறை மற்றும் விண்ணப்பக் கட்டணம் உள்ளிட்ட விவரங்களை அதிகாரப்பூர்வ அறிவிப்பில் சரிபார்த்துக்கொள்வது அவசியம்.