சென்னையில் ஜலகண்டேஸ்வரர் கோயிலில் பிரதமர் மோடி வழிபாடு! முதலமைச்சர் விஜயும் பங்கேற்பு!
சென்னைக்கு வருகை தந்துள்ள பிரதமர் நரேந்திர மோடி, போரூர் அருகே அமைந்துள்ள ஜலகண்டேஸ்வரர் கோயிலில் சாமி தரிசனம் செய்து வழிபாடு மேற்கொண்டார். இந்த வழிபாட்டின்போது தமிழக முதலமைச்சர் விஜயும் அவருடன் பங்கேற்றார்.
முன்னதாக, சென்னை மெட்ரோ ரயில் இரண்டாம் கட்டத் திட்டத்தின் கீழ் அமைக்கப்பட்டுள்ள பூந்தமல்லி–வடபழனி வழித்தடத்தை பிரதமர் நரேந்திர மோடியும் முதலமைச்சர் விஜயும் இணைந்து தொடங்கி வைத்தனர்.
இதனைத் தொடர்ந்து, இருவரும் புதிதாகத் தொடங்கப்பட்ட மெட்ரோ ரயிலில் பயணம் மேற்கொண்டனர்.
மேலும், தமிழகத்தின் வளர்ச்சியை முன்னெடுக்கும் வகையில் ரூ.13,000 கோடிக்கும் அதிகமான மதிப்பிலான பல்வேறு வளர்ச்சித் திட்டங்களைத் தொடங்கி வைக்கும் நிகழ்ச்சிகளிலும் பிரதமர் மோடி பங்கேற்க உள்ளதாகத் தெரிவிக்கப்பட்டுள்ளது.
சென்னை மெட்ரோ ரயில் திட்டத் தொடக்க விழா, கோயில் வழிபாடு மற்றும் பல்வேறு வளர்ச்சித் திட்ட நிகழ்ச்சிகள் என பிரதமர் மோடியின் சென்னை பயணம் முக்கியத்துவம் பெற்றுள்ளது.
கருத்துகள் (0)