நாகை போதைப்பொருள் பறிமுதல் விவகாரம்: ED, NIA விசாரணைக்கு வாய்ப்பு?

நாகையில் தமிழக வெற்றிக் கழக நிர்வாகி ஒருவரிடம் பல கோடி ரூபாய் மதிப்புள்ள போதைப்பொருள் பறிமுதல் செய்யப்பட்டதாகக் கூறப்படும் விவகாரம் தீவிர கவனத்தைப் பெற்றுள்ளது. இந்தச் சம்பவம் தொடர்பாக வருவாய் புலனாய்வு இயக்குநரகம் (DRI), மத்திய புலனாய்வு அமைப்புகளுக்குத் தகவல் அனுப்பியுள்ளதாகத் தகவல்கள் தெரிவிக்கின்றன. இதனால், போதைப்பொருள் கடத்தலின் பின்னணியில் வேறு தொடர்புகள் உள்ளனவா என்பது குறித்து விசாரணை விரிவடையக்கூடும் என எதிர்பார்க்கப்படுகிறது.

சர்வதேச அளவில் சட்டவிரோதப் பணப்பரிவர்த்தனை நடைபெற்றுள்ளதா என்பதை அமலாக்கத்துறை (ED) ஆய்வு செய்யலாம் என்றும், பயங்கரவாத அமைப்புகளுடன் தொடர்பு உள்ளதா என்பதை தேசியப் புலனாய்வு முகமை (NIA) விசாரிக்க வாய்ப்புள்ளதாகவும் தகவல்கள் வெளியாகியுள்ளன. எனினும், இந்த அமைப்புகள் விசாரணையைத் தொடங்கியுள்ளனவா என்பது குறித்து அதிகாரப்பூர்வ உறுதிப்படுத்தல் வெளியாகவில்லை.