நயினார் முன்வரிசையில் அமர்ந்தது சரியே; அப்படியானால் திரிஷா அமர்ந்தது எப்படி? இடும்பாவனம் கார்த்திக் கேள்வி!

பிரதமர் மோடி மற்றும் முதலமைச்சர் விஜய் பங்கேற்ற அரசு விழாவின் முன்வரிசையில், அரசுப் பொறுப்பில் இல்லாத பாஜக மாநிலத் தலைவர் நயினார் நாகேந்திரன் அமர்ந்திருந்தது குறித்து காங்கிரஸ் எம்.பி. மாணிக்கம் தாகூர் எழுப்பிய கேள்வி நியாயமானதுதான் என நாம் தமிழர் கட்சியின் இடும்பாவனம் கார்த்திக் தெரிவித்துள்ளார். அரசு விழாவில் யாருக்கு முன்னுரிமை அளிக்கப்படுகிறது என்பது தொடர்பான கேள்விக்கு உரிய விளக்கம் அளிக்கப்பட வேண்டும் என்றும் அவர் குறிப்பிட்டுள்ளார்.

அதேநேரத்தில், கடந்த சுதந்திர தின விழா மேடையின் முன்வரிசையில் நடிகை திரிஷா எந்த விதிகளின் அடிப்படையில் அமர வைக்கப்பட்டார் என்பதையும் காங்கிரஸ் கட்சியும் அரசுத் தரப்பும் விளக்க வேண்டும் என இடும்பாவனம் கார்த்திக் கேள்வி எழுப்பியுள்ளார். நயினார் நாகேந்திரன் விவகாரத்தில் கேள்வி எழுப்புவோர், திரிஷா அமர்ந்தது தொடர்பாகவும் விளக்கம் கேட்க வேண்டும் என்ற அவரது கருத்து அரசியல் வட்டாரத்தில் கவனம் பெற்றுள்ளது.