பள்ளிக்கரணி சதுப்பு நில தடுப்புச் சுவர் திட்டத்தை நிறுத்த வேண்டும்! விஜய்க்கு அன்புமணி ராமதாஸ் எச்சரிக்கை!

சென்னை பள்ளிக்கரணி சதுப்பு நிலத்தைப் பாதுகாக்கும் வகையில், அங்கு செயல்படுத்தப்பட்டு வரும் தடுப்புச் சுவர் திட்டத்தை உடனடியாக நிறுத்த வேண்டும் என்று பாமக தலைவர் அன்புமணி ராமதாஸ் வலியுறுத்தியுள்ளார். ஒரு காலத்தில் சுமார் 15,000 ஏக்கர் பரப்பளவில் இருந்த பள்ளிக்கரணி சதுப்பு நிலம், தற்போது 2,500 ஏக்கராகச் சுருங்கிவிட்டதாகக் குறிப்பிட்ட அவர், எஞ்சியுள்ள பகுதியையாவது பாதுகாக்க அரசு நடவடிக்கை எடுக்க வேண்டும் எனத் தெரிவித்துள்ளார்.

இந்தத் திட்டத்தை முதலமைச்சர் விஜய் கைவிட வேண்டும் என்றும் அன்புமணி ராமதாஸ் கேட்டுக்கொண்டுள்ளார். சதுப்பு நிலத்தைப் பாதுகாப்பதில் அரசு உரிய கவனம் செலுத்த வேண்டும் என வலியுறுத்திய அவர், தடுப்புச் சுவர் திட்டம் கைவிடப்படாவிட்டால் தனது தலைமையில் போராட்டம் நடத்தப்படும் என்றும் எச்சரித்துள்ளார். சுற்றுச்சூழல் பாதுகாப்பு தொடர்பான இந்த விவகாரத்தில் அமைதியாக வேடிக்கை பார்த்துக்கொண்டிருக்க முடியாது என்றும் அவர் பேட்டியில் தெரிவித்துள்ளார்.