தலைமைத் தேர்தல் ஆணையர் மீது சண்முகம் கடும் குற்றச்சாட்டு: ஜனநாயகத்தைக் காக்க அழைப்பு!

வாக்குப்பதிவு இயந்திரங்கள் மற்றும் வாக்காளர் பட்டியல் சிறப்புத் தீவிர திருத்தமான SIR நடைமுறையின் மூலம் வாக்காளர்கள் நீக்கப்பட்டு முறைகேடுகள் நடந்ததாகக் குற்றம்சாட்டியுள்ள சிபிஎம் மாநிலச் செயலாளர் சண்முகம், தற்போது தலைமைத் தேர்தல் ஆணையர் மீதும் கடுமையான விமர்சனங்களை முன்வைத்துள்ளார். தேர்தல் நடைமுறைகள் தொடர்பாக எழுந்துள்ள சர்ச்சைகளைச் சுட்டிக்காட்டிய அவர், இந்தியா மிகப்பெரிய ஜனநாயக நாடு எனக் கூறப்படும் சூழலில் இத்தகைய குற்றச்சாட்டுகள் கவலை அளிப்பதாகத் தெரிவித்துள்ளார்.

இதுதொடர்பாகத் தனது ‘எக்ஸ்’ சமூக வலைதளப் பக்கத்தில் பதிவிட்டுள்ள சண்முகம், ஜனநாயகத்தையும் மக்களின் வாக்குரிமையையும் பாதுகாக்க அனைவரும் களத்தில் இறங்கிப் போராட வேண்டும் என்று அழைப்பு விடுத்துள்ளார். தேர்தல் நடைமுறைகள் மற்றும் வாக்காளர் பட்டியல் திருத்தம் தொடர்பாக அவர் முன்வைத்துள்ள குற்றச்சாட்டுகள் அரசியல் வட்டாரத்தில் கவனத்தை ஈர்த்துள்ளன.