வாக்காளர் பட்டியலில் திருத்தம் செய்ய இன்றும் நாளையும் சிறப்பு முகாம்கள் நடைபெறுகின்றன!

வாக்காளர் பட்டியலில் புதிய பெயர்களை சேர்ப்பது, ஏற்கனவே உள்ள பெயர்களை நீக்குவது, முகவரி மாற்றம் மற்றும் பிற விவரங்களில் திருத்தம் செய்வது போன்ற பணிகளுக்காக தமிழகம் முழுவதும் இன்றும் நாளையும் சிறப்பு முகாம்கள் நடத்தப்படுகின்றன.
இந்திய தேர்தல் ஆணையத்தின் அறிவுறுத்தலின்படி, பொதுமக்கள் தங்களது வாக்காளர் பட்டியலில் உள்ள விவரங்களை சரிபார்த்து, தேவையான மாற்றங்களை மேற்கொள்ள வசதியாக இந்த முகாம்கள் ஏற்பாடு செய்யப்பட்டுள்ளன. புதிய வாக்காளர்கள் தங்களது பெயரை பட்டியலில் சேர்க்கவும், ஏற்கனவே வாக்காளர் பட்டியலில் இடம்பெற்றுள்ளவர்கள் தவறான தகவல்களை திருத்தவும் இந்த வாய்ப்பைப் பயன்படுத்திக் கொள்ளலாம்.
மாநிலம் முழுவதும் உள்ள அனைத்து வாக்குச்சாவடிகளிலும் காலை 10 மணி முதல் மாலை 5 மணி வரை முகாம்கள் செயல்பட உள்ளன. வாக்காளர் பட்டியலில் தங்களது பெயர் அல்லது விவரங்களில் ஏதேனும் மாற்றம் செய்ய வேண்டியவர்கள், அருகிலுள்ள வாக்குச்சாவடிக்கு நேரில் சென்று உரிய விண்ணப்பங்களை அளிக்கலாம். பொதுமக்கள் இந்த சிறப்பு முகாம்களை பயன்படுத்தி தங்களது வாக்காளர் பதிவு தொடர்பான பணிகளை மேற்கொள்ளுமாறு கேட்டுக்கொள்ளப்பட்டுள்ளனர்.




கருத்துகள் (0)