விஜய் சேதுபதி – சாய் பல்லவியின் ‘இஞ்சி வெல்லம்’ படப்பிடிப்பு நிறைவு! பொங்கலுக்கு ரிலீஸ்!

மணிரத்னம் இயக்கத்தில் விஜய் சேதுபதி மற்றும் சாய் பல்லவி முதன்முறையாக இணைந்து நடிக்கும் ‘இஞ்சி வெல்லம்’ திரைப்படத்தின் படப்பிடிப்பு முழுமையாக நிறைவடைந்துள்ளதாகத் தகவல் வெளியாகியுள்ளது. கடந்த ஜூலை மாதம் கொல்கத்தாவில் தொடங்கிய படப்பிடிப்பு, சுமார் 90 நாட்களில் வெற்றிகரமாக முடிவடைந்துள்ளது.

மெட்ராஸ் டாக்கீஸ் மற்றும் லைகா புரொடக்ஷன்ஸ் நிறுவனங்கள் இணைந்து தயாரிக்கும் இப்படத்திற்கு ஏ.ஆர். ரஹ்மான் இசையமைத்துள்ளார். காதலை மையமாகக் கொண்டு உருவாகியுள்ள இப்படத்தின் மீது ரசிகர்கள் மத்தியில் எதிர்பார்ப்பு அதிகரித்துள்ளது. திட்டமிட்டபடி அனைத்துப் பணிகளும் முடிவடைந்தால், ‘இஞ்சி வெல்லம்’ திரைப்படம் 2027-ம் ஆண்டு பொங்கல் பண்டிகையை முன்னிட்டு திரையரங்குகளில் வெளியாகும் எனத் தெரிவிக்கப்பட்டுள்ளது.