செஞ்சியில் 7 வயது சிறுமி மாயம்: 9-வது நாளாகத் தொடரும் தேடுதல் வேட்டை!

விழுப்புரம் மாவட்டம், செஞ்சியில் தனது பிறந்தநாளன்றே மாயமான 7 வயது சிறுமியை மீட்கக் காவல்துறையினர் தீவிரமாகத் தேடி வருகின்றனர். சிறுமி காணாமல் போய் 9 நாட்கள் கடந்துள்ள நிலையில், அவரைப் பத்திரமாக மீட்பதற்காக 8 தனிப்படைகள் அமைக்கப்பட்டுள்ளன. பல்வேறு கோணங்களில் விசாரணை நடைபெற்று வருகிறது.

இதற்கிடையே, சிறுமி மாயமான பகுதியில் பதிவான 600-க்கும் மேற்பட்ட செல்போன் அழைப்புகளை சைபர் கிரைம் பிரிவினர் ஆய்வு செய்து வருகின்றனர். கிடைக்கும் தகவல்களின் அடிப்படையில் காவல்துறையினர் துப்பு துலக்கி வரும் நிலையில், இதுவரை சிறுமி குறித்த உறுதியான தகவல் கிடைக்காததால் அவரது குடும்பத்தினர் மிகுந்த வேதனையில் உள்ளனர்.