இனி எந்த மாநிலத்திலும் ரேஷன் பொருட்கள் வாங்கலாம்! புதிய கார்டு தேவையில்லை!

மத்திய அரசின் ‘ஒரே நாடு, ஒரே ரேஷன் கார்டு’ திட்டத்தின் மூலம், தகுதியுள்ள குடும்ப அட்டைதாரர்கள் இந்தியாவின் எந்த மாநிலத்திலும் உள்ள நியாயவிலைக் கடைகளில் தங்களுக்கான உணவு தானியங்களைப் பெற்றுக்கொள்ளலாம். இதற்காகப் புதிய குடும்ப அட்டை வாங்க வேண்டிய அவசியமில்லை.

குறிப்பாக, வேலைக்காக வெளிமாநிலங்களுக்குச் செல்வோர் மற்றும் சொந்த ஊரை விட்டு வேறு பகுதிகளில் வசிப்போர் இந்தத் திட்டத்தின் மூலம் பயனடையலாம். தங்களிடம் ஏற்கெனவே உள்ள குடும்ப அட்டையின் விவரங்களைப் பயன்படுத்தி, ஆதார் அடிப்படையிலான பயோமெட்ரிக் சரிபார்ப்பை மேற்கொண்டு, தகுதியின்படி மாதாந்திர ரேஷன் பொருட்களைப் பெற்றுக்கொள்ள முடியும். இதன் மூலம் புலம்பெயர் தொழிலாளர்கள் உட்படப் பலர் தாங்கள் வசிக்கும் இடத்திலேயே ரேஷன் பொருட்களை வாங்கும் வசதி கிடைக்கிறது.