பெரம்பூர் தேர்தல் வழக்கு: முதலமைச்சர் விஜய் தாக்கல் செய்த மனு மீதான தீர்ப்பு தேதி குறிப்பிடாமல் ஒத்திவைப்பு!

பெரம்பூர் சட்டமன்றத் தொகுதியில் முதலமைச்சர் விஜய் பெற்ற தேர்தல் வெற்றியை எதிர்த்துத் தொடரப்பட்ட வழக்கை நிராகரிக்கக் கோரி அவர் தாக்கல் செய்த மனு மீதான தீர்ப்பு ஒத்திவைக்கப்பட்டுள்ளதாகத் தெரிவிக்கப்பட்டுள்ளது.

விஜயின் தேர்தல் வெற்றியை எதிர்த்து நீதிமன்றத்தில் வழக்கு தொடரப்பட்ட நிலையில், அந்த வழக்கை விசாரணைக்கு எடுத்துக்கொள்ளும் ஆரம்ப நிலையிலேயே நிராகரிக்க வேண்டும் என அவரது தரப்பில் மனு தாக்கல் செய்யப்பட்டது.

இந்த மனுவை விசாரித்த நீதிபதி வி. லட்சுமிநாராயணன், இருதரப்பு வாதங்கள் தொடர்பான விசாரணைக்குப் பிறகு தீர்ப்பை தேதி குறிப்பிடாமல் ஒத்திவைத்து உத்தரவிட்டுள்ளார்.

இதனால், விஜயின் தேர்தல் வெற்றியை எதிர்த்துத் தொடரப்பட்ட வழக்கு தொடர்ந்து விசாரிக்கப்படுமா அல்லது அவரது கோரிக்கையை ஏற்று நிராகரிக்கப்படுமா என்பது நீதிமன்றத்தின் தீர்ப்புக்குப் பிறகே தெரியவரும்.

இந்த வழக்கில் இதுவரை இறுதித் தீர்ப்பு வழங்கப்படாத நிலையில், அடுத்தகட்ட நீதிமன்ற நடவடிக்கை அரசியல் வட்டாரத்தில் கவனத்தைப் பெற்றுள்ளது.