ஆயுத பூஜை தொடர் விடுமுறை: சொந்த ஊர்களுக்குப் படையெடுக்கும் மக்கள்; ரயில், பேருந்து நிலையங்களில் கூட்டம்!

நாடு முழுவதும் நவராத்திரி பண்டிகை உற்சாகமாகக் கொண்டாடப்பட்டு வரும் நிலையில், வரும் 19ஆம் தேதி ஆயுத பூஜை கொண்டாடப்பட உள்ளது. இதையொட்டி சனி, ஞாயிறு மற்றும் தொடர்ந்து வரும் விடுமுறைகள் காரணமாக நான்கு நாட்கள் ஓய்வு கிடைத்துள்ளதால், சென்னையில் பணிபுரியும் பிற மாவட்டங்களைச் சேர்ந்த மக்கள் தங்களது சொந்த ஊர்களுக்குப் புறப்பட்டுள்ளனர். இதனால் ரயில் நிலையங்கள் மற்றும் பேருந்து நிலையங்களில் பயணிகளின் கூட்டம் அதிகரித்துள்ளது.

தொடர் விடுமுறையை முன்னிட்டு சொந்த ஊர்களுக்குச் செல்லும் பயணிகளின் எண்ணிக்கை அதிகரித்துள்ளதால், போக்குவரத்து மையங்களில் பரபரப்பான சூழல் நிலவுகிறது. இதற்கிடையே, கோவையில் இருந்து வட மாநிலங்களுக்குப் பயணம் மேற்கொள்பவர்களின் வசதிக்காகச் சிறப்பு ரயில்களும் இயக்கப்பட்டு வருகின்றன. பண்டிகைக் காலப் பயணத்தை முன்னிட்டு ரயில் மற்றும் பேருந்து சேவைகளைப் பயன்படுத்திப் பொதுமக்கள் தங்களது பயணங்களைத் திட்டமிட்டு வருகின்றனர்.