ஞாயிறு, நவம்பர் 22, 2026
உண்மையின் குரல்
இந்தியா

மனைவி மீது சந்தேகம் 34 வயது பெண்ணை கொன்று பூங்காவில் புதைத்த கணவர் 2 மாதங்களுக்குப் பிறகு கண்டுபிடிப்பு!

மனைவி மீது சந்தேகம் 34 வயது பெண்ணை கொன்று பூங்காவில் புதைத்த கணவர் 2 மாதங்களுக்குப் பிறகு கண்டுபிடிப்பு!

கர்நாடக மாநிலம் பெங்களூருவில் மனைவியின் நடத்தையில் சந்தேகம் கொண்ட 25 வயது இளைஞர், தனது 34 வயது மனைவியை கொலை செய்துவிட்டு, உடலை மறைத்து வைத்த சம்பவம் அதிர்ச்சியை ஏற்படுத்தியுள்ளது. இந்த கொலை சம்பவம் சுமார் 2 மாதங்களுக்குப் பிறகு வெளிச்சத்திற்கு வந்துள்ளது.

 

மனைவியுடன் ஏற்பட்ட சந்தேகம் மற்றும் குடும்பப் பிரச்சினையின் காரணமாக ஆத்திரமடைந்த இளைஞர், அவரை அடித்துக் கொலை செய்ததாக கூறப்படுகிறது. பின்னர், கொலை நடந்தது வெளியே தெரியாமல் இருக்க, அவரது உடலை அப்பகுதியில் உள்ள பூங்காவில் குப்பைகளுக்கு அடியில் மறைத்து வைத்துள்ளார்.

 

சுமார் 2 மாதங்களுக்குப் பிறகு அந்த பூங்காவில் எலும்புக்கூடு கண்டெடுக்கப்பட்டது. இதையடுத்து போலீசார் மேற்கொண்ட விசாரணையில், அது காணாமல் போன பெண்ணின் உடல் என்பது தெரியவந்தது. தொடர்ந்து விசாரணை நடத்திய போலீசார், பெண்ணின் கணவர் மீதான சந்தேகத்தை உறுதிப்படுத்தி கொலை சம்பவத்தின் பின்னணியை கண்டறிந்தனர்.

 

இந்த சம்பவம் பெங்களூருவில் அதிர்ச்சியையும் பரபரப்பையும் ஏற்படுத்தியுள்ளது. குடும்ப உறவுகளில் சந்தேகம் காரணமாக நடந்ததாக கூறப்படும் இந்த கொலை தொடர்பாக போலீசார் தொடர்ந்து விசாரணை மேற்கொண்டு வருகின்றனர்.

கருத்துகள் (0)

கருத்து தெரிவிக்க

நிர்வாகி அனுமதித்த பின் உங்கள் கருத்து வெளியாகும்.