தீபாவளிக்கு வீட்டிலேயே செய்யலாம் சுவையான பிரட் ட்ரை குலாப் ஜாமூன்.. எளிய செய்முறை!

தீபாவளி பண்டிகையை முன்னிட்டு வீட்டிலேயே குறைந்த பொருட்களைக் கொண்டு சுவையான பிரட் ட்ரை குலாப் ஜாமூன் தயாரிக்கலாம். இதற்கு முதலில் பிரட் துண்டுகளை பாலில் நனைத்து நன்றாகப் பிசைந்து கொள்ள வேண்டும். பின்னர் அதனுடன் மைதா மற்றும் சிறிதளவு சோடா உப்பு சேர்த்து மென்மையான மாவாகத் தயாரித்து சிறிய உருண்டைகளாக உருட்டிக் கொள்ள வேண்டும்.

இந்த உருண்டைகளை எண்ணெயில் பொன்னிறமாகப் பொரித்து, சர்க்கரைப் பாகில் போட்டு சுமார் 2 மணி நேரம் ஊற வைக்க வேண்டும். பின்னர் அவற்றை எடுத்து பொடித்த சர்க்கரை அல்லது துருவிய தேங்காயில் புரட்டி எடுத்தால் சுவையான பிரட் ட்ரை குலாப் ஜாமூன் தயார். தீபாவளி விருந்தில் அனைவரும் விரும்பிச் சுவைக்கும் வகையில் இந்த இனிப்பை வீட்டிலேயே எளிதாகச் செய்யலாம்.