வெங்காயம் விலை 113% உயர்வு! அத்தியாவசியப் பொருட்களின் விலையேற்றத்தால் மக்கள் அதிர்ச்சி!

கடந்த ஓராண்டில் கண்காணிக்கப்பட்ட 42 அத்தியாவசியப் பொருட்களில் 41 பொருட்களின் சில்லறை விலைகள் உயர்ந்துள்ளதாகத் தகவல்கள் தெரிவிக்கின்றன. உருளைக்கிழங்கு மட்டுமே விலையேற்றத்திலிருந்து தப்பியுள்ளதாகக் கூறப்படுகிறது. குறிப்பாக, வெங்காயத்தின் விலை 113% அதிகரித்துள்ளது. சர்க்கரையின் விலை 22% உயர்ந்துள்ள நிலையில், சூரியகாந்தி எண்ணெயின் விலையும் 18% அதிகரித்துள்ளது. அன்றாட சமையலுக்குத் தேவையான பொருட்களின் விலை உயர்வு குடும்பங்களின் செலவுச் சுமையை அதிகரித்துள்ளது.

இதற்கிடையே, செப்டம்பர் மாத சில்லறைப் பணவீக்கம் 5.5% ஆக உயர்ந்து, கடந்த இரண்டு ஆண்டுகளில் இல்லாத அளவை எட்டியுள்ளதாகக் குறிப்பிடப்பட்டுள்ளது. உணவுப் பொருட்களின் விலை உயர்வே பணவீக்கம் அதிகரிப்பதற்கான முக்கியக் காரணமாகக் கூறப்படுகிறது. தொடர்ந்து அதிகரிக்கும் விலைகளால் குடும்பங்களின் மாதாந்திர பட்ஜெட்டில் கூடுதல் அழுத்தம் ஏற்பட்டுள்ளது.