ஆம்னி பேருந்துகளில் பல மடங்கு கட்டணமா? தவெக அரசுக்கு கே.என்.நேரு கேள்வி!

ஆயுதபூஜை மற்றும் தசரா தொடர் விடுமுறையைப் பயன்படுத்தி தனியார் ஆம்னி பேருந்துகளில் பயணிகளிடம் பல மடங்கு கட்டணம் வசூலிக்கப்படுவதாக திமுக முதன்மைச் செயலாளர் கே.என்.நேரு குற்றம்சாட்டியுள்ளார். பண்டிகைக் காலங்களில் பொதுமக்கள் சொந்த ஊர்களுக்குச் செல்லும் சூழலில், அதிக கட்டண வசூலைத் தடுக்கத் தவெக அரசு உரிய நடவடிக்கை எடுக்கத் தவறிவிட்டதாக அவர் விமர்சித்துள்ளார்.

மேலும், அதிக கட்டணம் வசூலிக்கும் பேருந்துகள் மீது இதுவரை என்ன நடவடிக்கை எடுக்கப்பட்டுள்ளது என்றும் அவர் கேள்வி எழுப்பியுள்ளார். நிர்வாகப் பணிகளில் கவனம் செலுத்தாமல், ஸ்டிக்கர் ஒட்டுவதில் மட்டுமே அரசு கவனம் செலுத்துகிறதா எனவும் கே.என்.நேரு சாடியுள்ளார். ஆம்னி பேருந்துகளின் கட்டண விவகாரம் தொடர்பாக அவர் முன்வைத்துள்ள இந்த விமர்சனம் அரசியல் வட்டாரத்தில் கவனத்தைப் பெற்றுள்ளது.