சசிகுமாரின் புதிய படம் தொடக்கம்! பூஜையுடன் படப்பிடிப்பு ஆரம்பம்!

நடிகர் சசிகுமார் நடிக்கும் புதிய திரைப்படத்தின் படப்பிடிப்பு, இன்று அக்டோபர் 13-ம் தேதி பூஜையுடன் தொடங்கியுள்ளது. ‘அயோத்தி’ படத்தைத் தொடர்ந்து, டிரைடென்ட் ஆர்ட்ஸ் ரவீந்திரன் மற்றும் சுல்தான் ஜசானி உள்ளிட்டோர் இணைந்து இப்படத்தைத் தயாரிக்கின்றனர். படத்தின் தலைப்பு, இயக்குநர் உள்ளிட்ட கூடுதல் விவரங்கள் விரைவில் வெளியாகும் எனப் படக்குழு தெரிவித்துள்ளது.

தற்போது சசிகுமார் நடித்துள்ள ‘பிரீடம்’ திரைப்படத்தின் வெளியீட்டிற்காக ரசிகர்கள் காத்திருக்கும் நிலையில், அவர் அடுத்தடுத்த படங்களிலும் கவனம் செலுத்தி வருகிறார். இயக்குநர் தரணி ராஜேந்திரன் மற்றும் கன்னட இயக்குநர் யோகராஜ் பட் ஆகியோரின் இயக்கத்திலும் புதிய படங்களில் நடித்து வருகிறார். இதனால் சசிகுமாரின் அடுத்தடுத்த திரைப்படங்கள் குறித்த எதிர்பார்ப்பு அதிகரித்துள்ளது.