பொருளாதாரத் தடைகளைத் தாண்டி சாதித்த 25 மாணவர்கள்! சிவகுமார் கல்வி அறக்கட்டளை நிதியுதவி!

ஸ்ரீ சிவகுமார் கல்வி அறக்கட்டளையின் 47-வது ஆண்டு விழாவில், பொருளாதாரச் சிரமங்களுக்கு மத்தியிலும் கல்வியில் முன்னேறி வரும் 25 கல்லூரி மாணவ, மாணவிகளுக்கு தலா ரூ.10,000 நிதியுதவி வழங்கப்பட்டது. அகரம் பவுண்டேஷன் ஒருங்கிணைத்த இந்த நிகழ்ச்சியில், மாணவர்களுக்கு நிதியுதவியுடன் சான்றிதழ்களும் வழங்கி பாராட்டப்பட்டது.

நிகழ்ச்சியில் பேசிய நடிகர் சிவகுமார், வாழ்க்கையில் எதிர்கொள்ளும் தடைகளைத் தாண்டிப் பெறும் வெற்றி மாணவர்களுக்கு புதிய பாதையைத் திறக்கும் என்று கூறி ஊக்கமளித்தார். கல்வியுடன் ஒழுக்கத்தையும் வளர்த்துக்கொண்டால் உலகின் எந்தப் பகுதியிலும் தங்களால் சாதிக்க முடியும் என்பதை மாணவர்கள் உணர வேண்டும் என்றும் அவர் வலியுறுத்தினார்.