AI செலவுகள் அதிகரிப்பு: இந்த ஆண்டு ஊதிய உயர்வு இல்லை! ஜோஹோ நிறுவனர் அறிவிப்பு!

செயற்கை நுண்ணறிவு (AI) தொழில்நுட்பத்தின் பயன்பாடு அதிகரித்து வருவதால், அதற்கான செலவுகளும் கணிசமாக உயர்ந்துள்ளதாக ஜோஹோ நிறுவனர் ஸ்ரீதர் வேம்பு தெரிவித்துள்ளார். செலவுகளைக் கட்டுப்படுத்தும் நடவடிக்கையின் ஒரு பகுதியாக, இந்த ஆண்டு ஊழியர்களுக்கு வழக்கமாக வழங்கப்படும் ஊதிய உயர்வை அளிக்க முடியாத நிலை ஏற்பட்டுள்ளதாக அவர் கூறியுள்ளார். இதற்காக ஊழியர்களிடம் மன்னிப்பும் கேட்டுள்ளார்.

அதேநேரத்தில், செலவுகளைக் குறைப்பதற்காக அதிக எண்ணிக்கையிலான ஊழியர்களைப் பணிநீக்கம் செய்வதைத் தவிர்க்க அனைத்து முயற்சிகளும் மேற்கொள்ளப்படும் என்று அவர் உறுதியளித்துள்ளார். AI தொழில்நுட்பத்தில் நிறுவனங்கள் அதிக முதலீடு செய்து வரும் சூழலில், அதன் செலவுகள் நிறுவனங்களின் நிதி முடிவுகளில் தாக்கத்தை ஏற்படுத்துவதாக இந்த அறிவிப்பு கவனத்தை ஈர்த்துள்ளது.