அக்.22ல் இந்தியாவில் அறிமுகமாகும் OPPO Find X10 சீரிஸ்! 200MP கேமரா சிறப்பம்சம்!

OPPO நிறுவனம் தனது புதிய முதன்மை ஸ்மார்ட்போன் தொடரான ‘Find X10’ சீரிஸை அக்டோபர் 22ஆம் தேதி இந்தியச் சந்தையில் அறிமுகப்படுத்த உள்ளதாகத் தகவல் வெளியாகியுள்ளது. இதனுடன் OPPO Enco X4 வயர்லெஸ் இயர்பட்ஸ் மற்றும் OPPO Pad Mini Matte Display Edition டேப்லெட்டும் அறிமுகமாகும் எனக் கூறப்படுகிறது. Hasselblad நிறுவனத்துடனான கூட்டணியில், Find X10 தொடரில் மூன்று 200 மெகாபிக்சல் கேமராக்கள் இடம்பெறும் எனத் தெரிவிக்கப்பட்டுள்ளது.

மேலும், OPPO Pad Mini டேப்லெட்டில் Qualcomm Snapdragon 8 Gen 5 செயலி, 144Hz புதுப்பிப்பு வீதம் கொண்ட 8.8 அங்குல 2.5K OLED திரை உள்ளிட்ட அம்சங்கள் இடம்பெறும் எனத் தகவல்கள் தெரிவிக்கின்றன. புதிய சாதனங்களின் விலை, முழுமையான தொழில்நுட்ப விவரங்கள் மற்றும் விற்பனைத் தேதி குறித்த அதிகாரப்பூர்வ அறிவிப்புகள் வெளியான பின்னரே கூடுதல் தகவல்கள் உறுதியாகும்.