IIFA விருதுகளில் ஆதிக்கம் செலுத்திய 'துரந்தர்' திரைப்படம்! ஒரே படத்திற்கு 12 விருதுகள் குவிந்து சாதனை!

2026-ம் ஆண்டுக்கான 26-வது சர்வதேச இந்திய திரைப்பட அகாடமி (IIFA) விருதுகள் விழாவில், ரன்வீர் சிங் நடிப்பில் வெளியான 'துரந்தர்' திரைப்படம் பல்வேறு பிரிவுகளில் விருதுகளைக் கைப்பற்றி கவனத்தை ஈர்த்துள்ளது. சிறந்த திரைப்படம், சிறந்த இயக்குநர், சிறந்த நடிகர் உள்ளிட்ட முக்கியப் பிரிவுகள் உட்பட மொத்தம் 12 விருதுகளைப் பெற்று இந்தப் படம் விழாவில் அதிக விருதுகளை வென்ற படமாக சாதனை படைத்துள்ளது.

இதனிடையே, 'சையாரா' திரைப்படத்தில் நடித்த அனீத் பத்தா சிறந்த நடிகைக்கான விருதைத் தட்டிச் சென்றார். 'ஜாலி எல்.எல்.பி 3' படத்தில் நடித்த ஹுமா குரேஷிக்கு சிறந்த துணை நடிகைக்கான விருது வழங்கப்பட்டது. திரைப்படங்களுடன் வெப் தொடர்களுக்கும் விருதுகள் அறிவிக்கப்பட்ட நிலையில், ஆர்யன் கான் இயக்கிய 'தி பேட்ஸ் ஆஃப் பாலிவுட்' சிறந்த வெப் தொடருக்கான விருதைப் பெற்றது. இந்த ஆண்டு IIFA விருதுகளில் 'துரந்தர்' திரைப்படம் 12 விருதுகளை வென்றிருப்பது பாலிவுட் திரையுலகில் முக்கியப் பேசுபொருளாகியுள்ளது.