வெளியீட்டுக்கு முன்பே ரூ.45.96 கோடி வசூல்! ‘ராமாயணம்: பாகம் 1’ படத்திற்கு குவியும் வரவேற்பு!

இயக்குநர் நிதேஷ் திவாரி இயக்கத்தில் உருவாகியுள்ள ‘ராமாயணம்: பாகம் 1’ திரைப்படம் வெளியீட்டிற்கு முன்பே வசூலில் கவனம் ஈர்த்து வருகிறது. வரும் நவம்பர் 5-ம் தேதி திரையரங்குகளில் வெளியாகவுள்ள இப்படத்திற்கு ரசிகர்கள் மத்தியில் பெரும் எதிர்பார்ப்பு நிலவி வருகிறது. இதன் வெளிப்பாடாக, இந்திய அளவில் நடைபெற்ற முன்பதிவுகள் மூலமாகவே இதுவரை ரூ.45.96 கோடி வசூல் கிடைத்துள்ளதாகத் தெரிவிக்கப்பட்டுள்ளது.

மாநில வாரியான முன்பதிவு வசூலில் ரூ.9.42 கோடியுடன் மகாராஷ்டிரா முதலிடத்தில் உள்ளது. இதற்கு அடுத்தபடியாக கர்நாடகாவில் ரூ.7.15 கோடியும், டெல்லியில் ரூ.6.78 கோடியும் வசூலாகியுள்ளன. மேலும் குஜராத்தில் ரூ.3.61 கோடியும், தெலங்கானாவில் ரூ.2.93 கோடியும் முன்பதிவு வாயிலாகக் கிடைத்துள்ளது. படம் வெளியாகும் முன்பே கோடிக்கணக்கில் வசூல் குவிந்திருப்பது படக்குழுவினரிடையே உற்சாகத்தை ஏற்படுத்தியுள்ளதுடன், ரசிகர்களின் எதிர்பார்ப்பையும் அதிகரித்துள்ளது.