திருமணம் நின்றதால் சோகம்: கேரளாவில் 24 வயது இளம்பெண் ஆற்றில் குதித்து உயிரிழப்பு!

கேரள மாநிலம் கண்ணூர் மாவட்டம் பையனூரைச் சேர்ந்த சி. ஸ்ருதி (24) என்பவர், திருமணம் நிச்சயிக்கப்பட்டிருந்த நிலையில் அது நின்றுபோனதால் மனவேதனையில் இருந்ததாகக் கூறப்படுகிறது. ஜனவரி மாதம் திருமணம் நடத்த இரு தரப்பிலும் ஏற்பாடுகள் செய்யப்பட்டிருந்த நிலையில், மணமகனாகத் தேர்வு செய்யப்பட்ட இளைஞர் திருமணம் செய்ய மறுத்து பின்வாங்கியதாக உறவினர்கள் தெரிவித்துள்ளனர்.

இந்தச் சூழலில், ஸ்ருதி பெரும்பா ஆற்றில் குதித்து உயிரிழந்ததாகத் தகவல் வெளியாகியுள்ளது. திருமணம் நின்றதால் ஏற்பட்ட மனவேதனையே இதற்குக் காரணம் என உறவினர்கள் கூறியுள்ள நிலையில், சம்பவம் குறித்து காவல்துறையினர் வழக்குப்பதிவு செய்து விசாரணை நடத்தி வருகின்றனர். அதிகாரப்பூர்வ விசாரணையின் முடிவிலேயே சம்பவத்தின் முழு விவரங்கள் தெரியவரும்.