12ஆம் வகுப்புக்குப் பிறகு விமானி ஆகலாம்! பயிற்சிச் செலவு எவ்வளவு? சம்பளம் எவ்வளவு தெரியுமா?

12ஆம் வகுப்பு முடித்த மாணவர்கள் விமானியாக வேண்டும் என்ற கனவு இருந்தால், அங்கீகரிக்கப்பட்ட விமானப் பயிற்சி நிறுவனத்தில் சேர்ந்து பயிற்சி பெறலாம். இந்தியாவில் வணிக விமானியாகப் பணிபுரிய, விமானப் போக்குவரத்து இயக்குநரகத்தின் (DGCA) விதிமுறைகளின்படி வணிக விமானி உரிமம் (CPL) பெற வேண்டும். இதற்காகக் குறைந்தபட்சம் 200 மணிநேர விமானப் பயிற்சி தேவைப்படும். பயிற்சி நிறுவனத்தைப் பொறுத்து இதற்கான மொத்தச் செலவு ரூ.35 லட்சம் முதல் ரூ.1 கோடி வரை இருக்கலாம்.

விமானிகளின் சம்பளம் அவர்களின் அனுபவம், விமான நிறுவனம் மற்றும் பணிப் பொறுப்புகளைப் பொறுத்து மாறுபடும். ஆரம்ப நிலையில் பணியில் சேரும் விமானிகளுக்கு மாதம் ரூ.1.5 லட்சம் முதல் ரூ.3 லட்சம் வரையும், அனுபவம் வாய்ந்த கேப்டன்களுக்கு மாதம் ரூ.8 லட்சம் முதல் ரூ.12 லட்சம் வரையும் சம்பளம் கிடைக்கக்கூடும். விமானியாக விரும்பும் மாணவர்கள் பயிற்சிக்கான செலவு, மருத்துவத் தகுதிகள் மற்றும் உரிமம் பெறுவதற்கான விதிமுறைகள் குறித்து முன்கூட்டியே தெரிந்துகொள்வது அவசியம்.