சமூக வலைதளங்களில் தனிப்பட்ட தகவல்களைப் பகிர வேண்டாம்! கேரள காவல்துறை எச்சரிக்கை!

சமூக வலைதளங்களில் வெளியாகும் ட்ரெண்டுகளில் ஈடுபடும்போது, பலரும் தங்களது தனிப்பட்ட பாதுகாப்பை மறந்துவிடுவதாகக் கேரள காவல்துறை எச்சரித்துள்ளது. குறிப்பாக, வீட்டு முகவரி, தொலைபேசி எண் உள்ளிட்ட தனிப்பட்ட தகவல்களை எந்தக் காரணத்தைக் கொண்டும் இணையத்தில் பொதுவாகப் பகிர வேண்டாம் என X தளத்தில் அறிவுறுத்தியுள்ளது.

மதுரையைச் சேர்ந்த வீரமணி என்பவர் தனது வீட்டு முகவரி மற்றும் தொலைபேசி எண்களை இன்ஸ்டாகிராமில் பதிவிட்டதாகவும், இதையடுத்து அவருக்குத் தெரியாமலேயே கேஷ் ஆன் டெலிவரி முறையில் ஏராளமான பொருட்கள் ஆர்டர் செய்யப்பட்டு வருவதாகவும் கூறப்படுகிறது. இந்தச் சம்பவத்தைத் தொடர்ந்து, இணையத்தில் தனிப்பட்ட தகவல்களைப் பகிர்வதால் ஏற்படக்கூடிய பாதிப்புகள் குறித்து மக்களுக்கு விழிப்புணர்வு ஏற்படுத்தும் வகையில் கேரள காவல்துறை எச்சரிக்கை விடுத்துள்ளது.