SBI கிரெடிட் கார்டு பயனர்களுக்கு புதிய கட்டண விதிகள்! டிசம்பர் 1 முதல் அமல்!

SBI கிரெடிட் கார்டுகளைப் பயன்படுத்துவோருக்கு எரிபொருள் மற்றும் போக்குவரத்துச் செலவுகள் தொடர்பாக புதிய கட்டண விதிகள் அறிவிக்கப்பட்டுள்ளன. இந்த மாற்றங்கள் வரும் டிசம்பர் 1-ஆம் தேதி முதல் நடைமுறைக்கு வரவுள்ளன. இதன்படி, ஒரு பில்லிங் சுழற்சியில் எரிபொருள் வாங்குவதற்காக ரூ.50,000-க்கும் அதிகமாகப் பரிவர்த்தனை செய்தால், அதற்கான மொத்தத் தொகையில் 1 சதவீதம் கூடுதல் கட்டணமாக வசூலிக்கப்படும்.

அதேபோல், ஒரு பில்லிங் சுழற்சியில் போக்குவரத்துச் சேவைகளுக்காக ரூ.30,000-ஐத் தாண்டி செலவு செய்தாலும், அந்தப் பரிவர்த்தனைத் தொகையில் 1 சதவீதம் கூடுதல் கட்டணம் விதிக்கப்படும் என அறிவிக்கப்பட்டுள்ளது. இந்தக் கூடுதல் கட்டணத்தால் ஏற்படும் செலவுகளைத் தவிர்க்க, வாடிக்கையாளர்கள் தங்களது கிரெடிட் கார்டு பரிவர்த்தனைகளையும் பில்லிங் சுழற்சியில் மேற்கொள்ளும் மொத்தச் செலவுகளையும் கவனமாகக் கண்காணிக்குமாறு அறிவுறுத்தப்பட்டுள்ளனர்.