தேர்தல் ஆணையர்களுக்கான சட்டப் பாதுகாப்பை எதிர்த்து வழக்கு: ஒன்றிய அரசுக்கு உச்ச நீதிமன்றம் நோட்டீஸ்!

தலைமைத் தேர்தல் ஆணையர் மற்றும் தேர்தல் ஆணையர்களுக்கு வழங்கப்பட்டுள்ள சட்டப் பாதுகாப்பை எதிர்த்து தொடரப்பட்ட வழக்கில், மனுவுக்குப் பதிலளிக்குமாறு ஒன்றிய அரசுக்கு உச்ச நீதிமன்றம் நோட்டீஸ் அனுப்ப உத்தரவிட்டுள்ளது. தேர்தல் ஆணையர்கள் தங்களது பணிக்காலத்தில் எடுத்த முடிவுகள் தொடர்பாக சட்ட நடவடிக்கைகளை எதிர்கொள்வதிலிருந்து பாதுகாப்பு அளிக்கும் வகையில் விதிகள் உள்ளன.

கடந்த 2023ஆம் ஆண்டு இயற்றப்பட்ட சட்டத்தில் இடம்பெற்றுள்ள இந்தப் பாதுகாப்பு விதிகளுக்கு எதிராக உச்ச நீதிமன்றத்தில் மனு தாக்கல் செய்யப்பட்டுள்ளது. இந்தச் சட்டப் பாதுகாப்பின் வரம்பு மற்றும் அதன் சட்டபூர்வத்தன்மை குறித்து கேள்விகள் எழுப்பப்பட்டுள்ள நிலையில், ஒன்றிய அரசின் பதிலுக்குப் பிறகு வழக்கின் அடுத்தகட்ட விசாரணை நடைபெறும்.