தீபாவளிக்கு 95 சிறப்பு ரயில்கள் இயக்கத் திட்டம்! சென்னையிலிருந்து தென் மாவட்டங்களுக்கு 20 ரயில்கள்!

தீபாவளி பண்டிகையையொட்டி சொந்த ஊர்களுக்குச் செல்லும் பயணிகளின் கூட்ட நெரிசலைக் குறைக்க, தெற்கு ரயில்வே 95 சிறப்பு ரயில்களை இயக்கத் திட்டமிட்டுள்ளதாகத் தகவல் வெளியாகியுள்ளது. கடந்த ஆண்டைக் காட்டிலும் இந்த ஆண்டு சிறப்பு ரயில்களின் எண்ணிக்கையை அதிகரிக்கத் திட்டமிடப்பட்டுள்ளது. இதனால் பண்டிகைக் காலத்தில் ரயில் பயணத்தைத் தேர்வு செய்யும் மக்களுக்கு கூடுதல் வசதி கிடைக்கும் என எதிர்பார்க்கப்படுகிறது.

சென்னையிலிருந்து தென் மாவட்டங்களுக்காக மட்டும் 20 சிறப்பு ரயில்களை இயக்கத் திட்டமிடப்பட்டுள்ளதாக ரயில்வே அதிகாரிகள் தெரிவித்துள்ளனர். பயணிகளின் தேவையைப் பொறுத்து மேலும் கூடுதல் ரயில்களை இயக்குவது குறித்தும் பரிசீலிக்கப்படும் எனக் கூறப்படுகிறது. இதற்கான பரிந்துரை விரைவில் ரயில்வே வாரியத்துக்கு அனுப்பப்பட உள்ளதாகத் தகவல் தெரிவிக்கிறது. இருப்பினும், ரயில்களின் இறுதி எண்ணிக்கை, வழித்தடங்கள் மற்றும் இயக்கத் தேதிகள் குறித்த அதிகாரப்பூர்வ அறிவிப்பு வெளியாக வேண்டியுள்ளது.